按：吳雪香家孃姨小妹姐見外甥女阿巧要哭，駭異問道：“啥嗄？”阿巧哭道：一我勿去哉！”小妹姐不解，怔怔的看定阿巧；看了一會，問道：“阿是搭啥人相罵哉？”阿巧搖頭道：“勿是。早晨揩只煙燈，跌碎仔玻璃罩，俚哚無(女每)說，要我賠個。我到洋貨店裏買仔一隻末，嫌道勿好，再要去買，換一家洋貨店，說要買好個。等到買得來，原勿好，要我去調，拿跌碎個玻璃罩一淘帶得去，照樣子買一隻。洋貨店裏說要兩角洋錢哚，調來也匆肯調。我做俚哚大姐，一塊洋錢一月，正月裏做下來勿滿三塊洋錢，早就寄到仔鄉下去哉，陸裏再有兩角洋錢？”
小妹姐聽說，倒笑起來，道：“故末阿有啥要緊嗄？耐個小幹仵末也少有出見個！耐拿玻璃罩放來浪，明朝我搭耐去買。”阿巧忙道：“無(女每)；勿呀！俚哚個生活，我做勿轉呀！早晨一起來末，三隻煙燈，八隻水煙筒，纔要我來收捉。再有三間房間，掃地、揩臺子、倒痰盂罐頭，陸裏一樣勿做嚇半日汰衣裳，几几花花衣裳，就交撥我一干仔，一日到夜總歸無撥空。有辰光客人碰和，一夜天勿困；到天亮碰好仔，俚哚末去困哉，我末收捉房間。”小妹姐道：“俚哚再有兩個大姐囗，來浪做啥？”阿巧道：“俚哚兩家頭阿肯做生活嗄！十二點鐘喊俚哚起來吃中飯，就搭先生梳一個頭；梳好仔頭末，無事體哉，橫來保榻牀浪，擱起仔腳吃鴉片煙；有客人來，搭客人講講笑話，蠻寫意。我末絞手巾、裝水煙忙煞。大月底，看俚哚拆下腳洋錢，三四塊、五六塊，阿要開心！我是一個小銅錢也匆曾看見。”說到這裏，又哇的哭出聲來。
小妹姐正色道：“耐末總歸自家做生活，（要勿）去學俚哚個樣。俚哚來浪拆下腳洋錢，耐也（要勿）去眼熱。故歇生來要吃點虧，耐要會梳仔個頭末好哉。勿然我搭耐說仔罷，剛剛鄉下上來，頭一家做生意就匆高興出來，出來仔耐想做啥？再有啥人家要耐？”阿巧嗚咽道：“無(女每)，耐勿曉得呀！單是做生活倒罷哉，我來裏做生活，俚哚再要搭我噪。我匆噪末，俚哚就匆快活，告訴無(女每)，說我做生活勿高興。碰着會噪點個客人，俚哚同客人串通仔，拿我來尋開心：一個客人拉住仔個手，一個客人扳牢仔個腳，俚哚兩家頭來剝我褲子。”說着，復嗚嗚咽咽哭個不祝卻引得葛仲英、吳雪香都好笑起來。小妹姐也笑了，急問：“阿曾剝嗄？”阿巧哭道：“啥勿曾剝！倒是先生看匆過，拉我起來。無(女每)曉得仔，例說我小幹仵哭哭笑笑，討人厭。”吳雪香按說道：“客人也忒啥無淘成！人家一個大姐，耐剝脫俚褲子，阿是勿作興個！”葛仲英道：“一塊洋錢一月，阿怕無撥人家要？（要勿）到俚哚去做哉！”小妹姐獨無言。
迨房間內收拾已畢，葛仲英、吳雪香將要安置，小妹姐乃向阿巧道：“耐就匆做，也等我尋着仔人家末好出來，故歇耐轉去，噥兩日再說。”阿巧道：“價末無(女每)要搭我尋個囗！”小妹姐道：“曉得哉，耐去罷。”阿巧又問：“煙燈罩阿要賠嗄？”小妹姐叫把跌碎的留下：“明朝我去買。”又叮囑：“難末做生活當心點！”
阿巧答應，辭了小妹姐，仍歸至尚仁裏衛霞仙家。那時客堂裏宣卷道流正演說《洛陽橋》故事，許多閒人簇擁觀聽。阿巧概不理會，徑去後面小房間見老鴇衛姐，回說：“煙燈罩洋貨店裏勿肯調，明朝無(女每)去買得來。”衛姐道：“耐到無(女每)搭去個？”阿巧說：“去個。”衛姐嗔道：“一點點事體，再要去告訴無(女每)！阿是告訴仔耐無(女每)末（要勿）賠哉？”
阿巧不敢頂嘴，踅上樓來，只見衛霞仙房裏第二臺吃酒客人尚未盡散。那客人乃北信典鋪中翟掌櫃暨幾個朝奉，正是會噪的。阿巧自思生意將歇，何必再去巴結，遂不進房，竟去亭子間煙榻上暗中摸索睡下；聽得前面一陣陣嘻笑之聲不絕於耳，那裏睡得着。隨後拖臺極凳，又夾着“忽刺刺”牙牌散落聲音，知道是碰和了。阿巧正要起身，卻聽得那兩個大姐出房喊外場起手巾，復下樓尋阿巧。衛姐說：“阿巧來裏樓浪（口宛），常恐去因哉。”一個大姐道：“俚倒開心哚（口宛）！耐去喊囗。”一個大姐道：“我匆去喊，俚勿高興做生活末，倪來做末哉。啥稀奇！”阿巧聽了，賭氣復睡，只因心灰意懶，遂不覺沉沉一覺。
直到日上三竿，阿巧醒來，坐在榻上，揉揉眼睛，側耳聽時，樓下寂然，宣卷已畢，惟衛霞仙房中碰和之後，外場搬點心進去，客人和兩個大姐兀自噪做一團。阿巧依然迴避，徑往竈下揩一把面，先將空房間收拾起來。
須臾，小妹姐來了。阿巧且不收拾，留心竊聽。聽得小妹姐到小房間見了衛姐，把買的煙燈罩交付，問衛姐：“阿對？”衛姐呵呵笑道：“耐末去上小幹仵個當，倒真真去買得來哉！我爲仔俚做生活勿當心，說要俚賠末，讓俚當心點，阿是真個教俚賠嗄？”說着，取兩角小洋錢給還小妹姐。小妹姐堅卻不收。衛姐只得道謝，隨拉小妹姐並坐閒談。衛姐又道：“該個小幹仵生活倒無啥，就不過獨幅點。來裏堂子裏，有個把客人要搭俚噪噪，也無啥要緊（口宛），俚乃噪仔要匆快活個。”
阿巧聽到這裏，越發生氣，不欲再聽，仍回空房間來收拾。等得小妹姐辭別衛姐出門，阿巧忙趕上去，叫聲“無(女每)”，直跟至弄堂轉彎處，方問：“無(女每)阿去搭我尋人家？”小妹姐道：“耐啥要緊得來！就有人家末，也要過仔該節哚，故歇陸裏去尋？”阿巧復再三叮嚀而歸。
小妹姐去後，接連數日，不得消息。阿巧囡沒工夫，亦不曾去吳雪香家探望。到了三月十四這一日，阿巧早起，正在客堂裏揩擦水煙筒，忽見一肩轎子停在門首，一個孃姨打起轎簾，攙出一個半老佳人，舉止大方，妝飾人古。阿巧揣度當是誰家奶奶。那奶奶滿面怒氣，挺直胸脯踅進大門，即高聲問：“該搭阿是衛霞仙？”阿巧應說：“是個。”那奶奶並不再問，帶領孃姨徑上樓梯。阿巧詫異得緊，且向門首私問轎班，方知爲姚季蓴正室。阿巧急跑至小房間告訴衛姐。衛姐不解甚事，便和阿巧飛奔上樓，跟隨姚奶奶都到衛霞仙房裏來。
其時衛霞仙面窗端坐，梳洗未完。姚奶奶一見，即復高聲問道：“耐阿是衛霞仙？”霞仙擡頭看了，猛吃一驚，將姚奶奶上下打量一回，才冷冷的答道：“我末就是衛霞仙哉囗。耐是啥人嗄？”姚奶奶儼然向高椅坐下，嚷道：“勿搭耐說閒話！二少爺囗？喊俚出來！”霞仙早猜着幾分來意，仍冷冷的答道：“耐問陸裏一個二少爺嗄？二少爺是耐啥人嗄？”姚奶奶大吼，舉手指定霞仙面上道：“耐（要勿）來浪假癡假呆！二少爺末是我家主公，耐拿二少爺來迷得好！耐阿認得我是啥人？”說着，惡狠狠瞪出眼睛，像要奮身直撲上去。霞仙見如此情形，倒不禁啞然失笑；尚未回言，阿巧膽小怕事，忙去取茶碗，撮茶葉，喊外場衝了開水，說：“姚奶奶請用茶。”再拿一支水煙筒，問：“姚奶奶阿用煙？我來裝。”衛姐也按住姚奶奶，沒口子分說道：“二少爺該搭勿大來個呀，故歇長遠勿來哉。真真難得有轉把叫個局，酒也匆曾吃歇。姚奶奶（要勿）去聽別人個閒話。”
大家七張八嘴勸解之際，被衛霞仙一聲喝住道：“（要勿）響！瞎說個多花啥！”於是霞仙正色向姚奶奶朗朗說道：“耐個家主公末，該應到耐府浪去尋（口宛）。耐啥辰光交代撥倪，故歇到該措來尋耐家主公？倪堂子裏倒勿曾到耐府浪來請客人，耐倒先到倪堂子裏來尋耐家主公，阿要笑話！倪開仔堂子做生意，走得進來，總是客人，阿管俚是啥人個家主公！耐個家主公末，阿是勿許倪做嗄？老實搭耐說仔罷：二少爺來裏耐府浪，故末是耐家主公；到仔該搭來，就是倪個客人哉。耐有本事，耐拿家主公看牢仔，爲啥放俚到堂子裏來白相，來裏該搭堂子裏，耐再要想拉得去，耐去問聲看，上海夷場浪阿有該號規矩？故歇（要勿）說二少爺勿曾來，就來仔，耐阿敢罵俚一聲，打俚一記！耐欺瞞耐家主公。勿關倪事；要欺瞞仔倪個客人，耐當心點！二少爺末怕耐，倪是匆認得耐個奶奶（口宛）！”一席話說得姚奶奶頓口無言，回答不出，登時漲得徹耳通紅，幾乎迸出急淚來。正待想一句來扳駁，只見霞仙複道：“耐是奶奶呀，阿是奶奶做得勿耐煩仔了，也到倪該搭堂子裏來尋尋開心？可惜故歇無啥人來打茶會！倘然有個把客人來裏，我教客人捉牢仔耐強姦一泡，耐轉去阿有面孔！耐就告到新衙門裏，堂子裏姦情事體也無啥希奇（口宛）！”
不料這裏說得鬧熱，樓下外場驀喊一聲“客人上來”。霞仙便道：“來得正好，清房裏來。”衛姐掀起簾子，迎進一個四十餘歲的客人，三綹髭鬚，身材肥胖，原來即系北信典鋪翟掌櫃。早嚇得姚奶奶心頭小鹿兒橫衝直撞，坐也不是，走也不是，又羞又惱，那裏還說得出半“個”字。
翟掌櫃進房，且不入座，也將姚奶奶上下打量一回，終猜不出是什麼人。霞仙笑問翟掌櫃道：“耐阿認得俚？俚末是姚季蓴姚二少爺個家主婆，今朝到倪該搭堂子裏來，有心要坍坍二少爺個臺。”翟掌櫃聽罷茫然，衛姐過去附耳說些大概，方始明白。翟掌櫃攢眉道：“故是姚奶奶失斟酌哉！倪搭季蓴見也同過幾轉檯面，總算是朋友。姚奶奶到該搭來，季蓴見面浪好像勿好看相。”霞仙道：“啥勿好看相？出色得野哚！二少爺一徑生意勿好，該着仔實概一個家主婆，難末要發財哉！”
翟掌櫃搖手止住，轉勸姚奶奶道：“姚奶奶故歇請回府，有啥閒話末，教季蓴兄來說好哉。”姚奶奶無可如何，一口氣奔上喉嚨，“哇”的一聲要哭，慌忙立起身來，帶領孃姨出房下樓。霞仙還冷笑道：“姚奶奶再坐歇囗。倘忙二少爺來仔末，我教孃姨來請耐！”
姚奶奶踅至樓下，忍不住嗚嗚咽咽，大放悲聲，似乎連說帶罵，卻聽不清楚，仍就門首上轎而回。
姚奶奶既去，霞仙新妝亦罷，越想越覺好笑，道：“蠻體面個二少爺，難看俚阿好出來做人！一個奶奶跑到堂子里拉客人，賽過是野雞哉（口宛）！”衛姐也嘆口口氣道：“做仔個奶奶，再有啥勿開心咱家走上門來，討倪罵兩聲，阿要倒運！”霞仙道：“耐末也（要勿）說哉！勿曾撥俚丁倒罵兩聲，總算耐運氣！”衛姐微笑自去。
翟掌櫃問：“爲啥要了倒撥俚罵兩聲？”霞他笑而告訴道：“愧無(女每)末真真是好人。二少爺就日日到倪搭來，倪也無啥說匆出（口宛）；倪無(女每)定歸要說是二少爺長遠匆來哉，倒好像是倪怕俚。再有個阿巧，加二討氣！前日仔宣卷，樓浪下頭幾花客人來浪，喊俚沖茶，勿曉得到仔陸裏去哉，客人個茶碗也匆曾加；今朝二少爺家主婆來仔，耐勿曾看見俚巴結得來！倪勿曾喊俚，俚倒先去泡仔一碗茶，再要搭俚裝水煙，姚奶奶長，姚奶奶短。自家生活豁脫仔勿做，單去巴結個姚奶奶。陸裏曉得姚奶奶覺也匆曾覺着，拍馬屁拍到仔馬腳浪去哉！”
阿巧適舀一盆面水上來給霞仙洗手，聽說，即回嘴道：“姚奶奶末也是客人，爲啥勿該應泡茶撥俚吃？”霞仙笑向翟掌櫃道：“耐聽聽俚閒話，阿要氣煞人！姚奶奶說是客人，阿是倪做個嗄？”阿巧道：“做勿做勿關我事，耐哚同姚奶奶來裏相罵，例說我拍馬屁！”霞仙沉下臉道：“耐個人啥粳得來！耐該搭勿高興做，去末哉（口宛），姚奶奶喜歡耐拍馬屁！”
阿巧撅起嘴踅下樓來，草草收拾完畢，吃過中飯，捱至日色平西，捉個空復往東合興裏吳雪香家，尋見小妹姐，訴說適間情事，哭道：“生活勿做，生來要說；做仔生活，再要說！隨便啥事體，總是我匆好！無(女每)說噥兩日，噥勿落哉（口宛）！”小妹姐道：“噥勿落末，出來到啥場花去？”阿巧道：“隨便啥場花，就無撥工錢也無啥！”小妹姐沉吟不語。吳雪香道：“價末到該搭來幫幫耐無(女每)，再去尋人家，阿好？”阿巧說：“蠻好。”小妹姐也就依了。當晚，小妹姐便向衛霞仙家算清工錢，取出鋪蓋。
阿巧在吳雪香家僅宿一宵，次日飯後，吳雪香取出一對翡翠雙蓮蓬，令阿巧資至對門大腳姚家交還張蕙貞，並說：“綠頭蠻好，比我一對倒差仿勿多，十六塊洋錢，一點勿貴。”阿巧見張蕙貞傳說明白，張蕙貞因問阿巧：“阿是新來個？”阿巧據實說了。蕙貞道：“倪故歇再要添個大姐，先生勿用末，該搭來罷。”阿巧不勝之喜，道：“故是再好也匆有！”連忙歸來說與小妹姐，即日小妹姐親自送去。阿巧囡住在張蕙貞家。
適遇王蓮生偕洪善卿兩個在張蕙貞家便夜飯，蕙貞將翡翠雙蓮蓬與王蓮生看，問：“十六塊洋錢阿貴？”洪善卿只估十塊。蓮生道：“還俚十塊，多到十二塊（要勿）添哉。”蕙貞又訴說添用大姐一節。蓮生見阿巧好生面善，問起來，方知在衛霞仙家見過數次。
迨夜飯吃畢，張蕙貞已燒成七八枚煙炮放在煙盤裏。王蓮生揩把手巾，向榻牀躺下。蕙貞授過煙槍，“颼颼”的直吸到底。蕙貞接槍，通過斗門，再取煙泡來裝。
蓮生向蕙貞道：“耐要買翡翠物事，教洪老爺到城隍廟茶會浪去買，便宜點。”蕙貞因要買一副翡翠頭面，拜託洪善卿。善卿應諾，辭別先行，自回南市永昌參店去了。
第二十三回終。